24 апрел куни Навоий шаҳрида Ўзбекистон касаба уюшмалари Федерацияси томонидан «Ташқи миграцияда юрган фуқароларни қўллаб-қувватлаш» ҳамда «Аёллар дафтари» тизимининг 5-босқичи юзасидан Жамоатчилик назоратини ўрнатиш бўйича Навоий вилоятига бириктирилган вакиллар – вилоят штаби раҳбари Т.Бозоров ҳамда штаб раҳбари ўринбосари Ш.Мухамедхановлар раҳбарлигида семинар бўлиб ўтди.

Ўзбекистон Республикаси Президентининг топшириғига асосан Ўзбекистон касаба уюшмалари Федерацияси раиси Рафиқов Қудратилла Мирсоатович раислигида “Ташқи миграцияда юрган фуқароларни қўллаб-қувватлаш” масаласи юзасидан ўтказилган кенгайтирилган йиғилишда берилган топшириқларни Навоий вилоятидаги ижросини ташкил этиш юзасидан амалга оширилаётган ишларни ўрганиш ва амалий ёрдамлар бериш мақсадида Ўзбекистон касаба уюшмалари Федерациясидан бириктирилган вилоят Штаб раҳбари Бозоров Тўхта Шарипович, Штаб раҳбари ўринбосари Мухамедханов Шухрат Санджарович ва Республика бош прокурори ўринбосари Шерзод Жалолович Тўхтабоевлар вилоятидаги масъул ташкилотлар раҳбарлари ва Ишчи гуруҳи аъзолари билан учрашди.