Агросаноат мажмуи ходимлари касаба уюшаси республика кенгашининг ташаббуси билан Фарғона “Ёғ-мой” акциядорлик жамиятида “Бошланғич касаба уюшма ташкилотлари фаолиятини Ўзбекистон агросаноат мажмуи ходимлари касаба уюшмаси Устави ва меҳёрий хужжатлар талаблари асосида ташкил этиш” мавзусида кўргазмали ўқув семинари ўтказилди.

Ҳозирги кунда фермер хўжаликлари ва умуман, қишлоқ хўжалиги соҳаси давлатимиз томонидан ҳар томонлама қўллаб-қувватланиб, уларга барча зарур шароит ва имкониятлар яратиб берилмоқда. Ўзбекистонни 2017-2021 йилларда янада ривожлантириш бўйича Ҳаракатлар стратегиясида барча соҳалар қатори қишлоқ хўжалигини ҳам модернизация қилиш борасида энг муҳим вазифаларни аниқ белгилаб, уларни изчил амалга ошириб бораётганимиз соҳадаги улкан муваффақиятларга асос бўлиб хизмат қилмоқда.

Ўзбекистон агросаноат мажмуи ходимлари Республика кенгаши ходимлари томонидан хар ойнинг иккинчи сешанба кунида бошланғич касаба уюшма ташкилотларига чиқилиб амалий ёрдам бериш ишлари давом этмоқда. Жумладан жорий йилнинг 27 ноябрь куни Тошкент ирригация ва қишлоқ хўжалигини механизациялаш муҳандислари институтига ташриф буюрилиб, ташриф доирасида 100 нафардан ортиқ касаба уюшмаси аъзолари билан очиқ сухбатлар ўтказилди.

Жорий йилда агросаноат мажмуи ходимлари касаба уюшмаси Республика кенгаши томонидан тизимидаги мутахассисларнинг малакасини ошириш бўйича кўламли ишлар амалга оширилиб, жумладан “Ўзбекистон касаба уюшмалари Федерациясининг Ўқув маркази”нинг ўзида 170 нафарга яқин тизимдаги туман ва шахар кенгашлари ходимлари ҳамда бошланғич ташкилотлар касаба уюшмаси қўмитаси раислари ўқитилди.

Жорий  йилнинг 26 ноябрь куни Ўзбекистон фермер, деҳқон хўжаликлари ва томорқа ер  эгалари кенгаши ва Ўзбекистон Агросаноат мажмуи ходимлари касаба уюшмаси Республика кенгаши ўртасида худудий туман, вилоят кенгашларида фаолият юритиб келаётган ходимлар бўлими, юридик, бош ҳисобчилар ва бошқа мутахассисларнинг илмий салоҳиятини юксалтириш мақсадида ўқув-машғулотларини ўтказиш юзасидан тасдиқланган жадвалга асосан ўқув-дарслари ўтказилди.